Новости региона

Мәжіліс депутаттары Global Сity көтерме-тарату орталығында болды


ҚР Парламенті Мәжілісінің бір топ депутаттары Қарағанды облысына жұмыс сапары аясында салынып жатқан Global Сity көтерме-тарату орталығында болды. Мәжілісмендерге орталық жұмысының мүмкіндіктері мен болашағы туралы айтылды.
Көтерме-тарату орталығының құрылысы аяқталуға жақын. Қазір қоймалар, кросс-доктар дайын және сауда павильондарындағы жұмыстар аяқталады.
- Біздің кросс-доктарымызда 164 фуралардан сауда жасауға болады, ол үшін қажетті барлық нәрсе бар. Қоймалар жемістер мен көкөністерді, сондай-ақ ет, балық және сүт өнімдерін арнайы бокстарда сақтауға мүмкіндік береді, олардың температурасы -24 градусқа дейін төмендейді, - дейді «Global Сity» ЖШС коммерциялық директоры Наиль Мунасипов.
Депутаттар орталықтың құрылысы тұтынушыға арналған тауарлардың қорытынды бағасына қалай әсер ететінін сұрады. Наиль Мунасиповтың айтуынша, логистиканы оңайлату есебінен баға шамамен 15-20%-ға төмендеуі тиіс.
Жаңа орталықта көкөніс, жеміс-жидек, ет-сүт өнімдерін сататын болады.
Нысанның ашылу биылғы жылдың 1 наурызына жоспарланған.
Жалпы алғанда, Мәжіліс депутаттары Қарағанды облысында 10 күн өткізді. Олар мектептерде, колледждерде және кәсіпорындарда болып, жұмыс ұжымдарымен кездесіп, заңнамаға енгізілген жаңалықтарды түсіндірді.
- Адамдар көптеген сұрақтар қойды. Олар негізінен мемлекеттік сатып алу, тұрғын үй-коммуналдық сала, зейнетақы заңнамасы, денсаулық сақтау жүйесіне қатысты болды. Әрине, біз осы мәселелердің барлығын үкіметке қарауға жеткіземіз. Барлық азаматтардың көкейіндегі мәселелерін қарастырып, ешкімді назардан тыс қалдырмауға тырысамыз, - деді депутат Нұрлан Әбдіров.
Бұған дейін делегация Қарағанды облысының әкімі Жеңіс Қасымбековпен кездесті. Олар өңірдің дамуына қатысты өзекті мәселелерді және оларды шешу жолдарын талқылады.

 


Вернуться назад

Эльдар Серікұлы Дүйсетаев Қарқаралы ауданының әкімі Выступления Официальный сайт Президента РК

Ауа райы

Каркаралинск, Казахстан

-4°C пасмурно, Влажность 85%, Давление 710, ветер 15 м/с

Курсы валют

Каркаралинск, Казахстан

USD/KZT 377.29
EUR/KZT 418.41
RUB/KZT 6.09
Анонсы Архив
© 2013 -2018 ГУ «Аппарат акима Каркаралинского района»
Разработка и поддержка сайта:Интернет компания «Creatida»